Am Samstig hani meh ufgmacht de FCA go z'unterstütze ... Aber leider esch es weder mal en Top-Match gsi ...
Selbstverständlech darf mir gege de FCZ verlüre - aber muess es grat es 4:0 si?? Eigentli esch de FCA gar ned so viel schlechter gsi als Stadtzürcher, nur leider send üsi Stürmer ned i de lag en Ball is Netz s'hämmere ... Vor allem de superschnelli Rogerio esch wirklech unfähig ...
Hinzu chomt, dass üsi Verteidigung öbe glich guet esch wie die vom FC Rigiwäg ... I glaub üsi Lüt wöse ned, dass mer en Gegner au mal darf foule und i Zweikämpf i söt gah und sech de Ball z'erobere ...
De neui Goali Beney hät vorallem bim 1:0 sehr schlecht usgseh ...
Aber item, irgendeinisch wird au de FCA weder mal gwönne und mer händ ja scho 4 Pünkt us 11 Spiel ...
1 Kommentar:
Hmm jo de machts jo ned so vöu, das ich dä Match verpasst ha.
Aber ergendeinisch müemer de scho mou aui zäme go luege. Das werd secher wetzig ;)
lg
de Bohli
Kommentar veröffentlichen