I wött ene liebi Fraue und Manne danke - danke defür, dass sie die IV-Revision agno händ. Sie händ de rechtig Entscheid gfällt. Sie händ sech für Zukunft entschede.
Die einzig Bundesratspartei wo gege d'IV-Revision esch gsi, esch - wie erstunlech - d'SP gsi. Denn die Linke wölle üsi schöni Schwiz kaputt mache. Sie verlange vo de Stimmbürger immer wie me Abgabe und Stüre. Sie mache üses Schulsystem kaputt und Frau Calmy zerstört Glaubwürdigkeit vo üsere Schwiz im Usland. De Schwizer Bürger muess immer wie me zahle, dass die Linke ihre Staatsapparat chöne ufrechterhalte.
Erinnere sech no a de 11. September 2001, wo Flüger is WTC gfloge si, wo die westlech Welt agriffe worde esch, wo Terroriste abertusige vo Lüt tötet hei. So öbis liebi Fraue und Manne cha au i üsere Schwiz passiere. I wot enne ned Angst mache, aber die chaotische linke Wehrdienstverweigerer versuche üsi Armee kaputt s'mache - sie wölle sie gar abschaffe. Es Land ohni Armee esch wie en Bierdose ohni Dose.
D'SVP esch die einzig Partei wo Schwiz cha rette, sie esch so quasi die letschti Bastion gege die Linke. Denn CVP und FDP send viel z'wankelmütig und hei keis Konzept. Wenn Sie - Liebi Fraue und Manne - am 21. Oktober d'SVP wähle, wirde sie au in Zukunft es schöns dehei ha.
I danke ene scho jetzt im Name vo de Partei für ihri Stimm und de Zottel natürli au.
Schöne Abig metenannt
Ueli Maurer
(SVP-Parteipräsident)
Keine Kommentare:
Kommentar veröffentlichen